miðvikudagur, 10. desember 2008

Svarthol í Lúxemborg

"Risavaxið svarthol hefur fundist í miðju Vetrarbrautarinnar sem sólkerfi okkar tilheyrir. Þýskir stjarnfræðingar fundu þetta svarthol en það mun vera fjórum milljón sinnum þyngra en sólin. Þyngdarafl svarthola er það öflugt að jafnvel ljós sleppur ekki úr greipum þeirra."


Skilanefndir bankanna telja hið nýja svarthol fyrir utan lögsögu íslenskra skattayfirvalda líkt og dótturfélög íslenskra banka í Lúxemborg. Almenn ánægja ríkir með hversu leyndarmál í veröldinni eru mörg og órannsakanleg.

4 ummæli:

Nafnlaus sagði...

ÞEIR ERU AÐ BÚA TIL NÝTT SVARTHOL HÉR HEIMA:
Þeir eru að samþykkja lög sem láta þá sleppa!

Allsherjarnefnd alþingis er sammála Birni Bjarnasyni um að rýmka lagaheimildir til að falla frá ákæru á hendur uppljóstrara.

Þjófana, þá sem vissu af og tóku þátt. Þeir láta þetta líta út eins og um "litla símamanninn"sé að ræða, eins og lágt setta fólkið verði verndað ef það kemur fram og kjaftar frá. En auðvitað á þetta við um alvöru glæpamenn, stjórnmálamenn og embættis- og bankamenn.
----------

Það sem er að gerast hér er að "uppljóstrarar" geta verið bankamenn, embættismenn og stjórnmálamenn, sem vissu og tóku þátt í þjófnaði og/eða spillingu, geta sloppið við ákærur.

Nefndin leggur því til að ríkissaksóknara verði heimilt að ákveða, að uppfylltum skilyrðum og að fenginni rökstuddri tillögu frá hinum sérstaka saksóknara, að
sá sem hefur frumkvæði að því að bjóða eða láta lögreglu eða saksóknara í té upplýsingar eða gögn, sæti EKKI ákæru þótt upplýsingar eða gögnin leiði líkur að broti hans sjálfs.

Nafnlaus sagði...

þú ættir nú að draga össur frænda á eintal og spyrja hann að því hvort skilanefndirnar gætu ekki séð til þess að við aularnir komumst ekki líka hjá því að borga skatt

Þráinn sagði...

Nafnlaus minn. Því miður get ég ekki dregið Össur frænda á eintal um þessar mundir því að eitthvað hef ég misst út úr mér sem veldur því að ég virðist vera í svörtu bókinni hjá honum í augnablikinu.

Nafnlaus sagði...

Varðandi ummæli frá kl. 11.53:
Svona lög hafa gefist vel á Ítalíu. Held að engin dæmi séu þar um að stærstu glæpamennirnir hafi gefið sig fram. Margir hinna smærri hins vegar.