sunnudagur, 21. desember 2008

Nú fer að rofa til

Í dag, 21. desember er stysti dagur ársins, nóttin er lengst og birtu nýtur skemmst. 

Vetrarsólstöður voru nú í hádeginu, nákvæmlega klukkan 12:04. 

Hér eftir tekur daginn því að lengja. Á morgun, 22. desember, verður dagurinn 50 sekúndum lengri. 

Ekki er ljóst hver tekur þessar ákvarðanir né í hvers umboði og eigum við þó að heita sjálfstæð þjóð.

4 ummæli:

Nafnlaus sagði...

Hmmm... Einmitt. ESB er trúlega almættisígildi - og réttsýnt og algott eftir því.

Þráinn sagði...

Ég hélt að ESB væri stillt eftir sólargangi en ekki öfugt? Hvar fékkstu út að ESB væri almættisígildi?
Eða var þetta bara bókmenntafræðilegt krukk í textann minn?

Nafnlaus sagði...

Í venjulegu árferði fer fólk að hlakka til þess að dagurinn lengist. Nú er ekkert nema kvíði framundan. Vangavelturnar eru: hvenær á ég að hætta að borga af lánunum? Um áramót eða á ég að bíða til 1.febrúar?

Þráinn sagði...

Assgotans væl er þetta. Hertu upp hugann. Mannkynssagan er full með fólk sem hætti að borga af lánum og lifði bæði vel og lengi.