Var Sturla Böðvarsson í "annarlegu ástandi"?

Innlent | 31.03.2008 21:00:26

Ekki veist að Sturlu Böðvarssyni

"Vegna fréttar fyrr í kvöld þá vill lögreglan á höfuðborgarsvæðinu koma á framfæri leiðréttingu varðandi upplýsingar frá því fyrr í dag. Fréttin var á þá leið að Sturla Böðvarsson forseti Alþingis hefði orðið fyrir áreiti í Bankastrætinu um klukkan 17 í dag frá hendi manns í annarlegu ástandi. Nafnabrengl varð við skráningu nafns þolanda sem einnig heitir Sturla."



Þessi útskýring vekur þó fleiri spurningar en henni er ætlað að svara.

Séstaklega setningin: "Nafnabrengl varð við skráningu nafns þolanda sem einnig heitir Sturla."

Þegar upplýst hefur verið að þolandinn hafi einnig heitið Sturla spyr maður hvort þetta orðalag merki að árásarmaðurinn hafi þá líka heitað Sturla? Og hvers son var seinni Sturlan? Sú Sturlan sem var í annarlegu ástandi?

Mörg verkefni bíða dómsmálaráðherrans

...væri þá ekki tilvalið að flytja hinn vinsæla sýslumann á Keflavíkurflugvelli til Selfoss og leyfa hinum óvinsæla Selfosssýslumanni að nauðga þvagleggjum í grunsamlegar konur á ferðalagi?

Í Keflavík er nóg af vopnum og ekki ætti þvagleggssýslumanninum að vera skotaskuld úr því að yfirbuga grunsamlegt kvenfólk með aðstoð 42 sérsveitarmanna sem verða bráðum orðnir 48.

Skipulagsbreytingar af þessu tagi gætu komið í veg fyrir samsæri hryðjuverkahópa.

Kominn heim heilu og höldnu! Lsg!

Mánudagur, 31. 03. 08.

"Áður en flogið var heim frá París, gafst tími til að skreppa í Musée du Luxembourg, en það er hluti af höll öldungadeildar franska þingsins. Þar er nú sýning á verkum eftir Maurice de Vlaminck. Hún var opnuð 20. febrúar og stendur til 20. júlí. Strax að mánudagsmorgni var löng biðröð fólks við safnið.

Icelandair vélin hóf sig á loft á áætlun kl. 14.15 og lenti 15.30, en klukkunni var seinkað um klukkustund í Evrópu um helgina."

Þetta eru sannarlega yndislegar fréttir af dómsmálaráðherranum okkar þótt honum láist að geta þess nákvæmlega hvar hann var staddur þegar sumartími var tekinn upp í Evrópu og hvort hann þurfti að hanga í biðröð eftir að skoða Vlaminck?

Síðustu 40 ár ævi sinnar var Maurice Vlaminck þekktur fyrir sem "skáld hins þrútna lofts og óveðurskýja". Hann kom fyrst fram á sjónarsviðið árið 1905 þegar málarar sem kenndu sig við "Fauves" - villidýrin - skandalíseruðu í Salon d'Automne in 1905. Þá hefði franska löggan gjarna viljað hafa rafbyssur við hendina.

Forsætisráðherrann telur sig botna í ástandinu!

Stöð 2, 31. mar. 2008 19:52

Forsætisráðherra telur botninum náð

Myndarleg styrking krónunnar í dag og hækkun hlutabréfa benda til þess ''að botninum sé náð, sagði Geir H. Haarde forsætisráðherra í umræðum um efnahagsmál á Alþingi.

Þetta eru mikil gleðitíðindi fyrir alla þá sem eru nógu hávaxnir til að ná upp úr kafi, eða eiga eitthvað til að standa á.

Er Lúðvík að missa móðinn? Vantar vítamín?

Lýsti efasemdum um skipulagsbreytingar á Suðurnesjum

Lúðvík Bergvinsson, þingmaður Samfylkingarinnar, sagðist á Alþingi í dag hafa efasemdir um að skynsamlegt sé að skipta upp lögreglustjóraembættinu á Suðurnesjum.

Þessi hjartaprúði Vestmannaeyingur var eitt sinn heiftúðugur andstæðingur eftirlaunafrumvarpsins - en sér nú öll tormerki á að endurheimta réttlætið.

Taka þingmenn ekki lýsi? Eða þarf Alþingi Íslendinga á næringarráðgjöf að halda?


Efasemdir eru mjög hættulegar.

Ekkert er hræðilegra en efinn. Efinn aðskilur fólk. Efinn er eitur sem leysir upp vinskap og eyðileggur notaleg sambönd. Efinn er fleinn í holdi sem særir og meiðir. Efinn er sverð sem drepur.”

Þetta sagði Hindúaprinsinn Gautama Siddharta einu sinni fyrir langa löngu.

Tvö þúsund ára gömul heilræði - og svínvirka!

Vonandi er ekki of seint í rassinn gripið:

1. Fjárlög verða að standast

2. Valdhroka og yfirgang stjórnenda ríkisins verður að hemja og koma á þá böndum

3. Draga verður úr greiðslum til erlendra ríkja (stofnana - Hér er Cicero að tala um flottræfishátt t.d. í utanríkisþjónustunni), ef þjóðin ætlar sér ekki að verða gjaldþrota.

4. Fólk verður að læra aftur að stunda vinnu sína, í stað þess að lifa á ríkinu

Það sem gerir þessi viðvörunarorð verulega athyglisverð er sú staðreynd að þau voru sögð á síðustu árum Rómverska lýðveldisins.

Sá sem sagði þetta hét Marcus Tullius Cicero, og var uppi 106-43 f. Kr.

Rómverska lýðveldið leið undir lok vegna spillingar og einkavinavæðingar árið 27 f. Kr. og hafði þá staðið með nokkrum blóma í hálft árþúsund frá árinu 509 f. Kr.

Borgin Róm var yngri en lýðveldið, stofnuð 21. apríl árið 753 f. Kr. af Rómúlusi og Remusi og tók við sem höfuðborg Rómverska ríkisins af krummaskuði sem heitir Latvinium og latnesk tunga er kennd við.

Krútstjov: Stjórnmálamenn eru alls staðar eins

Kristján Möller samgönguráðherra og Ólafur læknir borgarstjóri hafa nú ákveðið að byggja nýja flugstöð á Reykjavíkurflugvelli - sem á að leggja niður um svipað leyti og byggingin verður vígð.

Til gamans kalla þeir flugstöðvarbygginguna samgönguhús.

Nikita Krútstjov, reyndur stjórnmálamaður, hafði þetta um málið að segja:

Politicians are the same all over. They promise to build a bridge (flugstöð) even where there is no river (flugvöllur).

Nikita Khrushchev (1894 - 1971)

Ekki öll von úti: Tvennskonar vandi er ekki jafnillkynjaður eins og þrenns konar vandi og einskonar vandi

Geir: Tvennskonar vandi í efnahagsmálum

Geir H. Haarde, forsætisráðherra, sagði á Alþingi í dag, að vandinn í efnahagsmálum væri tvennskonar: alþjóðleg lausafjárkreppa og að upp hefði komið óvæntur skortur á gjaldeyri, sem hefði haft það í för með sér að krónan hefði fallið.

 

Það hljóta að vera góðar fréttir að vandinn sé aðeins tvenns konar, því að mun erfiðara er að fást við einskonar vanda, þrenns konar vanda og margvíslegan vanda.

Litli slommlordinn með eldspýturnar

Rvk: Eigendur kumbalda sektaðir?

Gísli Marteinn Baldursson, formaður umhverfis- og samgönguráðs Reykjavíkurborgar, segist ekki geta betur séð en að eigendur niðurníddra húsa við Hverfisgötu vilji að húsin standi auð. Hann boðar að lagðar verði dagsektir á eigendur húsanna ef þeir gera ekkert á lóðinni.

Eldspýtnastokk og steinolíubrúsa, áhrifaríkustu áhöldin í reykvískum skipulagsmálum, er hægt að fá minna en þúsundkall, svo að erfitt er að hafa samúð með framtaksleysi slommlordanna.

Heimsendir og minni háttar vandamál

Þótt erfitt ástand vofi yfir þjóðinni er samt ástæðulaust að vera kvíðin(n). Eins og ráðamenn segja munu efnahagsmálin leysast af sjálfum sér.

 

Rannsókn sem gerð var árið 2006 í Bandaríkjunum leiddi í ljós að yfirgnæfandi fjöldi Bandaríkjamanna er þeirrar skoðunar að heimsendir sé á næsta leiti, ef ekki á þessu ári, þá á því næsta.

 

Með þetta í hugi verða Davíð Oddsson, Hannes Hólmsteinn, Haraldur Blöndal, Geir Haarde og Ingibjörg Sólrún, heiladauð stjórnarandstaða, sofandi blaðamenn og lélegt grænmeti í verslunum aðeins að minniháttarvandamálum.

 

If it turns out that there is a God, I don't think that he's evil. But the worst that you can say about him is that basically he's an underachiever.

Woody Allen

Standi fréttin í Mogganum er hún rétt!

Innlent | 31.03.2008 11:50:16

Baugsfeðgar þora ekki að sýna eigendavald

Hallgrímur Helgason rithöfundur dregur ekkert af sér í grein í Fréttblaðinu. Styrmir Gunnarsson, ritstjóri Moggans, fær á baukinn sem Hádegismóri og Hallgrímur upplýsir að daglega tapist tvær milljónir á blaði hans. Síðan hjólar Hallgrímur í Þorstein Pálsson, ritstjóra Fréttblaðsins.

 

Hallgrímur virðist ekki muna þau einkunnarorð sem tryggt hafa langlífi Moggans og áhrif á hinum ótrúlegustu stöðum eru:

 

FRÉTT MEÐ STÉTT!

STÉTT MEÐ FRÉTT!

STANDI HÚN Í MOGGANUM

ER HÚN RÉTT!

Dani drepinn af Múslímum

Danskur hermaður féll í Afganistan

Danskur hermaður féll í átökum við uppreisnarmenn úr hópi talibana í Helmand héraði í suðurhluta Afganistan, samkvæmt upplýsingum frá danska hernum í dag.

 

Þetta sýnir að múslímar svífast einskis í baráttu við kristna hermenn.

Afkomandi Munchausens bjargar íslensku efnahagslífi

Innlent | Morgunblaðið | 31.3.2008 | 05:30

FT segir íslenskt hagkerfi traust (Grín?)

"Dálkahöfundur í Financial Times, Wolfgang Munchau, ritar í grein í gær að illkvittinn orðrómur um íslenskt efnahagslíf sé ekki réttlætanlegur. Í greininni kveður við öllu jákvæðari tón en sést hefur í umfjöllun erlendra fjölmiðla um Ísland að undanförnu. Telur Munchau meiri ástæðu fyrir alþjóðlega fjárfesta til að hafa áhyggjur af aukinni verðbólgu í Bandaríkjunum eða samdrætti í Bretlandi heldur en Íslandi."

Munchau þessi er hugsanlegan kominn af Munchausen barón sem var nokkurs konar John Cleese síns tíma. Frægast var þegar hann reið ofan í pytt og dró síðan sjálfan sig og reiðskjóta sinn upp á hárinu, sem gæti verið góð aðferð til að bjarga efnahagsástandinu á Íslandi.

Miðnæturákall: Einar K. Guðfinnsson í sálarkreppu

Skömmu fyrir miðnætti birtist á Netinu yfirlýsing frá Einari K. Guðfinnssyni ráðherra. Margir hafa lengi verið þeirrar skoðunar að ráðherradómurinn leggist of þungt á hann.

Meðal annars segir ráðherrann í þessu miðnæturákalli sínu:

30.3.2008 | 23:20

Flokssystkinin tala í kross

Það getur stundum verið erfitt að vera sjálfum sér samkvæmur. Sérstaklega ef það felur í sér að menn verða að halda á lofti óvinsælum skoðunum í bland við þær sem til vinsælda geta fallist.

* Flokssystkinin - á augljóslega að vera Flokkssystkinin.

** Kross - getur haft mjög víðtæka merkingu.

Fitna - Jónas og Arabaleiðtogar bera vopn á klæðin

Arabaleiðtogar mótmæla „"Fitna"

Leiðtogar Arabaríkja og múslíma fordæmdu í dag hollensku kvikmyndina "„Fitna" sem lýsir íslamstrú sem tifandi tímasprengju sem beinist gegn vestrænum löndum.

Jónas Kristjánsson er hins vegar mjög ánægður með myndina og segir meðal annars um hana á bloggi sínu:

Fitna er góð stuttmynd
Fitna er góð stuttmynd. Hún sýnir, að ofbeldishneigðir kaflar eru í Kóran múslima. Alveg eins og í Gamla testamentinu. Hún sýnir, að sumir klerkar múslima eru ofbeldishneigðir. Sennilega fleiri en kristnir klerkar. Myndin þyrfti þó að sýna ræfildóm vestrænna múslima gagnvart ofbeldispredikunum klerkanna. Múslimar gagnrýna ekki ofbeldisóða klerka sína...

Búist er við að Jónas fundi með Arabískum kvikmyndaáhugamönnum á næstunni til að bera vopn á klæðin.

Merkjasending Samfylkingarinnar - græn, gul og rauð

Innlent| mbl.is | 30.3.2008 | 17:40

Græn skilaboð flokksstjórnar

Flokkstjórn Samfylkingarinnar sendi frá sér græn skilaboð þar sem ríkisstjórnin er hvött til að vinna að atvinnuuppbyggingu sem byggist á þekkingu, hátækni og virðingu við sjónarmið náttúru- og umhverfisverndar.

Græn skilaboð frá flokksstjórn benda til þess að óhætt sé að halda dagpeningatúrum utanríkisráðuneytisins áfram enn um sinn.

Gul skilaboð merkja að ljúka eigi við þá dagpeningatúra sem þegar hafa verið hafnir.

Rauð skilaboð merkja að drífa sig heim í hvelli og bíða fyrirmæla innandyra.

Skyggnilýsing í Seðlabankanum: Prúttnir greindir frá Óprúttnum

Vísir, 28. mar. 2008 17:43

Davíð vill alþjóðlega rannsókn á atlögu óprúttinna miðlara

 Davíð Oddson, Seðlabankastjóri sagði í ræðu sinni á ársfundi bankans í dag að til álita komi að gera alþjóðlega rannsókn á því sem hann kallar tilræði við heilbrigð fjármálakerfi. Davíð sagði að nú stæði yfir atlaga óprúttinna aðila gegn íslenska ríkinu og innlendum bönkum.

 

Með innsæi getur Seðlabankastjóri greint prúttna miðlara frá óprúttnum og leiðbeint Saksóknara við rannsókn á hinum óprúttnu.

Fljótir að fatta hlutina!

Geir: Uppsveiflunni lokið

Geir Haarde og Davíð Oddson gleðjast yfir góðum árangri

Mynd: DV

Geir H. Haarde, forsætisráðherra flutti ávarp á ársfundi Seðlabankans í dag þar sem hann sagði allt benda til þess að nú væri lokið að sinni mikilli uppsveiflu í íslensku efnhagslífi.

Þetta kallar maður að fylgjast vel með hlutunum.

Mynd af sigurvegaranum

Ef allt í tölvuheimum gengur að óskum birtist hér mynd af latasta þingmanni Þýskalands sem hefur nýlega sagt af sér þingmennsku fyrir leti sakir.

Maðurinn heitir Carl-Eduard von Bismarck og er af góðum ættum og ætti því hugsanlega að geta komist að hjá utanríkisþjónustunni í Þýskalandi ef þar gilda svipaðar reglur og hér á landi.

Ný keppnisgrein þar sem Íslendingar ættu möguleika!

Þýskur letingi!

Langa-langa-afasonur Ottós von Bismarcks þess sem kallaður var "Járnkanslarinn" hefur sagt af sér þingmennsku eftir að þýskir fjölmiðlar útnefndu hann "latasta stjórnmálamann Þýskalands".

Maðurinn heitir Carl-Eduard von Bismarck og er 46 ára gamall og tilheyrir hinum Kristilega demókrataflokki Angelu Merkels. Carl-Eduard er sjaldséður um þingtímann í Berlín þar sem þingið situr. Ekki er vitað hvort hann hefur haft aðstoðarþingmann sér til aðstoðar við að hvíla sig.

Ekki er heldur vitað hversu latir menn þurfa að vera til að teljast latir á þýskan mælikvarða sem er nokkuð strangur.

Skemmtilegt væri ef Alþingi Íslendinga efndi til Evrópu-keppni þingmanna í þessari grein – og eru allar uppástungur um efnilega keppendur fyrir Íslands hönd vel þegnar.

Viðurkenna að hafa ráðið John Cleese

Kaupþing segist ekki hafa veikt krónuna

Kaupþing hefur sent frá sér yfirlýsingu þar sem vísað er á bug orðrómi þess efnis að bankinn hafi vísvitandi reynt að stuðla að veikingu krónunnar. Viðurkenna þó að hafa ráðið John Cleese í vinnu.

Eldri borgarar með frekju

Eldri borgarar skora á stjórnvöld

Aðalfundur Eldri borgara á Suðurnesjum samþykkti í gær áskorun á ríkisstjórn Íslands að skerða ekki tekjutryggingu og heimilisuppbót vegna tekna frá lífeyrissjóðum sem eru undir 100 þúsund krónum.
Einnig er farið fram á að aldraðir njóti þess sem launþegar sömdu um í byrjun árs, þ.e. 18 þúsund krónur á mánuði á lægstu laun.

Því miður virðist þetta eldra fólk ekki ennþá hafa áttað sig á að þótt kosningaþátttaka sé ókeypis þá eru afleiðingar kosninganna það ekki.

    "Our elections are free--it's in the results where eventually we pay." 
     Bill Stern

Þetta kusum við

Guðni segir stjórnvöld hafa sofið

 

Guðni Ágústsson, formaður Framsóknarflokksins, segir stjórnvöld hafa sofið á efnahagsverðinum.

     "Democracy is a device that insures we shall be governed no better than we deserve."

(Lýðræði er leið til að tryggja að við fáum ekki betri stjórn en við eigum skilið).
      George Bernard Shaw

Dan Quayle kemst ekki á fundinn í Háskólabíói

Fullbókað á fundinn með Al Gore í Háskólabíó

Fullbókað er á opinn fund um umhverfismál með Al Gore fyrrum varaforseta Bandaríkjanna í Háskólabíói þriðjudaginn 8. apríl næst komandi.

Því miður mistókst að fá Dan Quayle fyrrum varaforseta Bandaríkjanna til að flytja erindi á fundinum, en hann var maðurinn sem sagði á svo einfaldan hátt:

"It isn't pollution that's harming the environment. It's the impurities in our air and water that are doing it." (Það er ekki mengun sem skaðar umhverfið. Það eru óhreinindi í loftinu okkar og vatni sem valda því).
       

Ef maður sér snák

Jón Baldvin vill nýja áhöfn í Seðlabankann

Jón Baldvin Hannibalsson segir að tími sé kominn til að setja nýja áhöfn við stjórn Seðlabankans. Þar eigi fagmenn að stjórna í brúnni en ekki fyrrum pólitíkusar.

 

    "If you see a snake, just kill it - don't appoint a committee on snakes." Ef þú sérð snák, dreptu hann bara - ekki setja á fót slöngunefnd.
    H. Ross Perot

Huganalesari reynist ekki vel á Samfylkingarþingi

sunnudagur, 30. mars, 2008 - 14:12

Ný eftirlaunalög fyrir þinglok - taki einnig á fortíðinni

Ingibjörg Sólrún Gísladóttur, formaður Samfylkingarinnar, segist telja að fyrir þinglok þurfi að leiða til lykta breytingar á lögum um eftirlaun þingmanna og ráðherra. Hér fara á eftir nokkur orð úr ræðunni. Skýringar eru innan sviga.

"Ég tel fulla ástæðu til að skoða (setja nefnd í málið, fresta) hvernig megi nálgast það sem liðið er (allir vita að ekki er hægt að nálgast liðna atburði nema í tímavél) um leið og mörkuð er stefna til framing. Fátt hefur mælst eins illa fyrir hjá íslenskum almenningi og sú ákvörðun Alþingis í desember 2003 að bæta eftirlaunarétt ráðherra og þingmanna og auka þannig bilið sem er milli þeirra og almenns launafólks. (Samt varð ekki beinlínis allt vitlaust). Óhjákvæmilegt er að mínu mati að stjórnmálamenn úr öllum flokkum komi að lausn þessa máls rétt eins og þeir komu að upphafi þess. (Enda gafst samstaða stjórnmálamanna úr öllum flokkum svo vel að hið fræga eftirlaunafrumvarp varð afraksturinn).”

Uppfinningamaður frá Háskólanum í Bifröst renndi texta utanríkisráðherra gegnum prótótípu af hugsanalesara sem verið er að hanna í samvinnu við Borgnesinga til að takmarka hassreykingar nemenda. Út úr hugsanalesaranum kom aðeins ein setning:

"Ætlar liðið virkilega að hanga á þessu ómerkilega eftirlaunamáli eins og hundur á beini?"

Hugsanalesari HB

AFSÖKUNARBEIÐNI

Afsökunarbeiðni til lesenda!

Ég á í tölvuvandræðum með leturgerðir, myndir, myndastærðir og ótal margt fleira vegna fákunnáttu minnar og heimsku í tölvunotkun.

Ég er sjálfmenntaður í þessum fræðum og á þess vegna að geta gert þetta. Og það mun takast á endanum.

PS. Myndin af ISG í næstu grein hér á eftir er ekki af ISG og ég bið hlutaðeigandi velvirðingar á því.

Þráinn

 

    "When people talk of the freedom of writing, speaking or thinking I cannot choose but laugh. No such thing ever existed. No such thing now exists; but I hope it will exist. But it must be hundreds of years after you and I shall write and speak no more."
       -- John Adams

Bíbí bloggar - af sama eldmóði og ævinlega

Dagbókin

29.3.2008

Laugardagur, 29. 03. 08.

Nú er kominn tími til að taka saman föggur sínar hér í Chile og búast til heimferðar. Flugið verður langt, tæpir 14 tímar, til Parísar.

 

Success is the ability to go from failure to failure without losing your enthusiasm.
Winston Churchill

(Velgengni felst í hæfileikanum til að gera hvert klúðrið á fætur öðru án þess að láta það á sig fá).

Utanríkisráðherra "dressed to kill"

sunnudagur, 30. mars, 2008 - 12:21

Veruleg tollalækkun á fugla- og svínakjöti - 20-30% matarhækkun óásættanleg

Ingibjörg Sólrún Gísladóttir segir að yfirlýsingar stórkaupamanna um 20-30% hækkun matvælaverðs séu algjörlega óásættanleg tilraun til að fría sig undan ábyrgum rekstri á samkeppnismarkaði.

I dress to kill, but tastefully.

Freddie Mercury

Gamalt fólk misjafnlega eldfimt

Fyrst birt: 30.03.2008 12:34

Bæta þarf eldvarnir eldri borgara

"Eldri borgarar í Kópavogi hafa það almennt gott ef marka má ítarlega úttekt Kópavogsbæjar og Slysavarnarfélagsins Landsbjargar, en þó mætti bæta eldvarnirnar. Þetta er í fyrsta sinn sem svo ítarleg úttekt er gerð á högum eldri borgara í einu sveitarfélagi."

 

Eldri og ófullkomnari rannsóknir benda þó til þess að Rangvellingar séu eldfimari en Kópavogsbúar, en það kann að stafa af því að þeir búa í námunda við eldfjallið Heklu. Rannsókn í eldfimi fer þannig fram að kveikt er í viðkomandi tilraunaviðfangsefni og viðfangsefnið síðan beðið að sýna fimi sína með því að stinga sér kollhnís eða fara jafnvel heljarstökk.

Rannsóknir af þessu tagi eru sjaldan framkvæmdar á fólki og þykja jafnvel ómannúðlegar þegar mýs eru notaðar, því að óneitanlega fylgir nokkur hætta þessum tilraunum. 

Neikvæður hagnaður verðlaunaður!

Viðskipti innlent 30. mar. 2008 11:06

Rekstur Seðlabankans skilaði 1,2 milljarða kr. tapi í fyrra

Tap varð á rekstri Seðlabanka Íslands á liðnu ári og nemur það rúmlega 1,2 milljarði króna.

 

Þarna er um neikvæðan hagnað að ræða sem auðvelt er að breyta í jákvæðan hagnað með réttum vaxtaákvörðunum. Fyrir þetta fyrirsjáanlega hagfræði- og rekstrarafrek voru laun bankastjóra hækkuð sl. sumar um myndarlega upphæð, til að koma í veg fyrir að önnur fjármálafyrirtæki mútuðu þeim til að koma í sína þjónustu.

Seðlabankinn kaupir gildru fyrir spákaupmenn

Viðskipti | Morgunblaðið | 29.3.2008 | 19:43

Seðlabankinn leggi gildru fyrir spákaupmennina?

Eftir Bjarna Ólafsson bjarni@mbl.is

"Sé raunin sú að óprúttnir spákaupmenn reyni vísvitandi að þrýsta niður gengi krónunnar og íslenskra hlutabréfa er hugsanlegt að hægt sé að leggja fyrir slíka kóna gildru, að sögn blaðamanns Financial Times að því er fram kemur í grein sem birt er í blaðinu."

Myndin er einmitt af ódýrri gildu sem er talin henta vel fyrir minniháttar gjaldmiðla.

Prestur á nektarbúllu

 

Vísir, 30. mar. 2008 11:18

Prestur sem hvarf fannst á nektarbúllu

Prestur sem saknað var í New York fannst um helgina á nektarbúllu í Ohio.

Presturinn fór að heiman á miðvikudag og sagði þá konu sinni að hann ætlaði með tölvu heimilis þeirra í viðgerð. Er hann kom ekki heim aftur um kvöldið lét konan lögregluna vita.

Guð skapaði kynlífið. Prestar hjónabandið.

Voltaire (1694 - 1778)

 

Þetta er allt að koma - undir tvíhöfða formennsku

Evrópunefnd forsætisráðherra tekur til starfa eftir helgi

"Nefnd forsætisráðherra um þróun Evrópumála undir tvíhöfða formennsku stjórnarþingmannanna Ágústs Ólafs Ágústssonar og Illuga Gunnarssonar tekur til starfa eftir helgi. Nefndin mun hittast á sínum fyrsta fundi á þriðjudag.

Síðustu daga hefur verið gengið frá tilnefningum í nefndina sem verður skipuð  fulltrúum annarra þingflokka, auk fulltrúa frá ASÍ, BSRB, Samtökum atvinnulífsins og Viðskiptaráði Íslands."

Ekki er útilokað að þessi nefnd ljúki störfum innan örfárra ára og verði að því loknu hægt að taka til við að ræða um hugsunarlega umsókn að Evrópusambandinu. Sú umræða mun að sjálfsögðu líka taka einhvern tíma.

Á myndunum eru hinir tvíhöfða formenn nefndarinnar, Illugi Gunnarsson t.v. og Ágúst Ólafur Ágústsson til hægri. Sé myndunum snúið við koma hin höfuðin í ljós á bakvið þau sem er snúa fram á þessum myndum.

Íslenskra huldumanna beðið í Zimbawe

Átta þúsund huldumenn á kjörskrá

"Afrískir eftirlitsmenn, sem fylgjast með kosningunum í Zimbabwe, sögðu nú seinnipartinn að þeir hefði fundið lista yfir nöfn kjósenda í kosningunum sem þar fara fram í dag. Á listanum eru skráð fleiri en átta þúsund nöfn á fólki sem virðist ekki vera til í raunveruleikanum, eftir því sem Reuters fréttastofan segir."

Um mun vera að ræða 8000 huldumenn frá Íslandi sem seinkaði á leið sinni til Zimbawe, því að þeir höfðu viðkomu í Bretlandi í gær til að fylgjast með leik Manchester United og Aston Villa.

Leikurinn fór 4:0 fyrir Manchester United og voru íslensku huldumennirnir afar ánægðir með skemmtunina. Mörkin skoruðu Cristiano Ronaldo á 17. mínútu, Teves bætti síðan öðru marki við og síðan skoraði Rooney tvö góð mörk í seinni hálfleik.

Hinir íslensku huldumenn segja að mikið sé að gera hjá íslensku huldufólki við að taka þátt í kosningum, því að hróður hópsins spurðist ekki þegar huldufólkinu tókst að koma Samfylkingu til valda í síðustu kosningum á Íslandi. "Við höfum ekkert vit á pólitík," sagði talsmaður huldumanna í lokin. "Við bara greiðum atkvæði."

Lóan ekki friðuð lengur

Lóan sést víða á Íslandi

Lóan er komin að kveða burt snjóinn.

"Lóur eru farnar að sjást hér og þar um landið. Þannig sáust tvær heiðlóur á flugi í Kópavogi í vikunni og á páskadag sáust fjórar heiðlóur á túni rétt við Hornafjarðarflugvöll, samkvæmt upplýsingum á vef fuglaáhugamanna á Höfn. Þetta þykir eðlilegur tími fyrir fyrstu lóurnar en almennt koma þær ekki fyrr en um miðjan apríl."

 

Miðað við efnahagsástandið á landinu hefur ríkisstjórnin í hyggju að leyfa ótakmarkaðar veiðar á þessum ljúffenga matfugli og gildir það veiðileyfi uns Seðlabanki tilkynnir næstu vaxtalækkun.

Kínverjar mótmæla mannréttindabrotum Íslendinga

Mannréttindabrotum mótmælt

 

Baráttubolur Jóns Sæmundssonar var frumsýndur. mbl.is/Guðmundur Rúnar

"Um sextíu manns efndu til mótmæla fyrir utan Kínverska sendiráðið í Reykjavík klukkan eitt í dag. Forsvarsmaður hópsins sagði að verið væri að stofna samtökin Vinir Tíbets sem vilja vekja athygli á mannréttindabrotum Kínverja í Tíbet."

Líklegt er að Kínverjar muni mótmæla mannréttindabrotum Íslendinga á meðan á Ólympíuleikum stendur með því að starfsmenn leikanna klæðist mannréttindabolum Jóns Sæmundssonar uns íslenska ríkisstjórnin hefur afnumið fiskveiðikerfið sem Mannréttindadómstóllinn dæmdi ólöglegt og eftirlaunakerfi þingmanna sem þjóðin, Samfylkingin og Vinstrigrænir plús Jón Magnússon dæmdi ósiðlegt.

Skólagjöldum safnað fyrir roskinn prófessor

Komið hefur til tals að hefja fjársöfnun meðal almennings til að kosta roskinn háskólaprófessor til náms í heimildavinnu - en nýlega var hann hýrudreginn í Hæstarétti fyrir kunnáttuleysi sitt í frumatriðum í umgengni við sannleika og heimildir.

Þeir sem vildu ljá þessu lið eru beðnir að skrá nöfn sín hér fyrir neðan.

Önnur framlög en peningaframlög eru líka velkomin, til dæmis frá þeim sem vildu sjá prófessornum fyrir mat og húsnæði meðan á endurmenntun hans stendur og honum tekst að finna sér nýja atvinnu á viðeigandi kennslustigi.

Beðið eftir Bardot

Boðað til fundar með Al Gore

Al Gore, fyrrverandi varaforseti Bandaríkjanna og Nóbelsverðlaunahafi, flytur fyrirlestur á opnum fundi um umhverfismál sem haldinn verður á vegum Glitnis og Háskóla Íslands í Háskólabíói að morgni þriðjudagsins 8. apríl  kl. 8:00.

 

Af því að maður hefur ekki efni á að veita sér allt sem mann langar í ætla ég að sleppa skemmtikröftunum Bob Dylan og Al Gore og bíða því að ofurstjarnan Brigitte Bardot komi hingað til að ræða um selveiðar.

Ganga sem lengist

Slóðir slömmlordanna skoðaðar

Birna Þórðardóttir. Mynd/ Anton.

Fjöldi fólks gekk um slóðir slömmlordanna með Birnu Þórðardóttur í dag. Birna rekur fyrirtækið menningarfylgd og gengur um götur borgarinnar með gesti og lýsir því sem fyrir ber. Vanalega sýnir hún gestum sínum menningarverðmæti borgarinnar en í dag var göngutúrinn aðeins frábrugnari.

Birna segir borgina líta út eins og eftir sprengjuárás, þar sé ekkert líf enda slömmlordarnir búnir að hertaka hana. Hún segir borgaryfirvöld verða að taka málin í sínar hendur og gera vel við dömuna Reykjavík, koma fram við hana eins og sannri dömu sæmir.

 

Athygli er góðfúslega vakin á því að þessi göngutúrar þessir muna lengjast til muna í náinni framtíð og því skynsamlegt að taka rúntinn með Birnu áður en ferðin teygir sig um allt landnám Ingólfs.

Davíð og Darwinskenningin

Jónas Kristjánsson skammar Davíð fyrir að hafa gert óprúttnum samsærismönnum kleift að leika sér að krónunni.

2008-03-29 Punktar
Aðför á ábyrgð Davíðs "Davíð Oddsson talar um aðför nafnlausra braskara að krónunni. Gerum ráð fyrir, að það sé rétt. Þá var það rangt hjá honum á löngum ferli forsætis, að ganga ekki í Evrópusambandið. Í því tilviki værum við búnir að vera með evru í nokkur ár. Enginn braskari getur gert aðför að evrunni. Hún hefur ekki haggast í kreppunni. Evran er nánast úr skíra gulli. Með frekju og yfirgangi hindraði Davíð Oddsson umræðu í samfélaginu um aðild að evru og Evrópu. Hann sjálfur og jábræður hans bera ábyrgð á því, að rammi íslenzku útrásarinnar var og er of ótraustur. Að hægt er að gera aðför að krónunni."

 

En þá er þess að gæta að þróun íslenskra stjórnmálabaráttumanna frá Jóni Sigurðssyni forseta til Hannes Hólmsteins, Ingibjargar Sólrúnar og Davíðs Oddssonar hefði fengið Darwin til að endurskoða kenningu sína.

Nostradamus og DeCode

DeCode hluturinn aldrei lægri

Gengi hlutabréfa í DeCode, móðurfélagi Íslenskrar erfðagreiningar, hefur aldrei verið lægra en nú - frá því félagið var skráð á bandaríska Nasdaq-markaðinn. Hluturinn stendur nú í 1,56 Bandaríkjadölum. Áður hafði hluturinn lægst farið í 1,60 dali en það var í september 2002.

 

Um þetta fjallaði Spámaðurinn Nostradamus einu sinni endur fyrir löngu í spádómskviðu sinni um framtíð mannkynsins.

Vefslóðin er: http://www.snerpa.is/net/nostri/nostr3.htm#lei%F0toginn

Hið víðlenda og volduga ríki flyst yfir til vanmáttugs og lítilvægs lands sem mun fljótlega vaxa að áhrifum. Til þessa litla lands fer hann og leggur frá sér veldissprotann.

Le grand Empire sera tost translaté
¹En lieu petit, qui bien tost viendra croistre,
Lieu bien infime d'exigue comté,
Où au milieu viendra poser son sceptre. I:32    

Óprúttnir aðilar vinna gegn Seðlabankanum

Í frétt á Eyjunni kemur fram að

 

"Alþýðusambandið, Öryrkjabandalagið og Landssamband eldri borgara krefjast þess að ríkisstjórnin standi við fyrri yfirlýsingar sínar og hækki bætur almannatrygginga til jafns við kjarasamninga –það þýðir hækkun um kr. 18.000 á mánuði fyrir þá sem eru á lægstu bótum!" segir í sameiginlegri yfirlýsingu sem Alþýðusamband Íslands, Öryrkjabandalag Íslands og Landssamband eldri borgara hafa sent frá sér til að mótmæla harðlega þeirri ákvörðun ríkisstjórnarinnar að hækka elli- og örorkulífeyri um einungis kr. 4.000-5.000 í kjölfar nýgerðra kjarasamninga."

 

Ef þetta er ekki skólabókardæmi um hvernig óprúttnir aðilar vinna á móti Seðlabankanum og magna hér verðbólgu og fella gengi krónunnar - þá er ekki hægt að tala um samsæri gegn efnahagsstjórninni.

Réttarmorð

Í Fréttablaðinu í dag segir frá því hverrnig viðskiptavinir Húsasmiðjunnar á Selfossi voru slegnir óhug þegar þeir urðu vitni að því að maður drekkti tíu hænuungum sem höfðu verið til sýnis í versluninni fyrir páskana.

 

Engin réttarhöld höfðu farið fram í máli páskaungana og enginn hafði ákært þá fyrir að standa bakvið aðför spákaupmanna að íslensku krónunni. Þeir höfðu ekki verið yfirheyrðir og ekki boðin lögfræðiaðstoð. Vinnubrögð í þessu máli eiga sér engin fordæmi í íslenskri réttarsögu nema í Geirfinnsmálinu.

Jónas Kristjánsson og Albert Einstein

Jónas Kristjánsson kennari minn í blaðamennsku birtir eftirfarandi á bloggsíðu sinni:

 

Tjáning Mathiesens

Árni Mathiesen kallar gagnrýni á sig aðför að tjáningarfrelsi sínu. Annan eins nautaskít hef ég ekki séð á prenti árum saman. Hvað kemur það við tjáningarfrelsi, að menn séu andvígir eða geri grín að skoðunum í grein Árna gegn umba Alþingis? Nákvæmlega ekki neitt. Árni nennir eða getur ekki tjáð sig rökvíst. Hann fattar ekki, að almenningur eigi skilið, að hann vandi sig. Honum dettur ekki í hug að vanda sig, þegar hann þarf að koma einhverju frá sér. Hann bullar bara það fyrsta sem honum dettur í hug. Hann er líka bara götustrákur úr Hafnarfirði, fæddur með silfurskeið í munni.

 

Þetta rifjar upp það sem Einstein sagði um heimskuna:

"Tvennt er óendanlegt: Alheimurinn og heimska mannsins; þó er ég ekki alveg viss um alheiminn."

Vissir þú að...

 Vissir þú að....
embætti lögreglustjórans í Reykjavík varð sjálfstætt embætti árið 1918 ?

 

Vissir þú að....

með breytingarlögum nr. 84/1996 var miðað að því að hraða rannsóknum brota, auka skilvirkni með því að einfalda feril mála á rannsóknarstigi og fela lögreglustjórum ákæruvald í fleiri brotaflokkum. Með breytingum á lögum um meðferð opinberra mála var ákæruvald í stærstum hluta þeirra mála sem heyrðu undir ríkissaksóknara flutt til lögreglustjóra.

 

Vissir þú að...

með breytingarlögreglunum nr. 84/1996 var Halli Jó gerður að Ríkislögreglustjóra með sjávarútsýni?

 

 

""Every kind of peaceful cooperation among men is primarily based on mutual trust and only secondarily on institutions such as courts of justice and police."

 

Albert Einstein, bandarískur eðlisfræðingur, fæddur í Þýskalandi

Skyndiráðherrar og lífsgæði

Úr Kæru dagbók, sem birtist í Fréttablaðinu í dag eins og aðra laugardaga:

 

Vissulega er ég sammála því að heilsurækt er holl og æskileg en það flokkast varla undir aukin "lífsgæði" þótt nýtt baðhús sé opnað einhvers staðar. Þau "lífsgæði" sem eru raunverulega eftirsóknarverð eru frjálst og opið lýðræðissamfélag án spillingar og nepotisma og miðaldamyrkurs.  Annars þyrftum við ekki að horfa upp á "skyndidómsmálaráðherra" slá um sig með hroka og heimsku gagnvart umboðsmanni Alþingis. Umboðsmanni þjóðarinnar.   Ef einhver á erfitt með að skilja hvað ég á við með "skyndiráðherra" þá er orðið myndað á sama hátt og "skyndikona".   Mig langar til að lifa í hreinu og ómenguðu þjóðfélagi. Og þá er ekki aðalatriðið hvort stundum sjáist hundaskítur á gangstéttum – svo lengi sem hann er ekki leiddur til hásætis."

 

Meira hér: http://vefblod.visir.is/index.php?s=1869&p=50592

Ef Geir er með oss - hver er þá á mót oss?

Mikilvægar yfirlýsingar forsætisráðherra

Jón Steinsson bloggar gleðiblogg um yfirlýsingar Geirs:

 

"Yfirlýsingar Geirs um ótvíræðann vilja stjórnvalda til þess að nota fjárhagslegan styrk sinn til þess að koma í veg fyrir fjármálakreppu eru mikilvægt innlegg í þá umræðu sem uppi hefur verið um stöðu íslensks efnahagslífs í erlendum og innlendum fjölmiðlum. Þessar yfirlýsingar og sú yfirlýsing að gera eigi fræðilega úttekt á umgjörð peningamála á Íslandi eru stærstu og mikilvægustu fréttirnar af aðalfundi Seðlabankans í gær. Þær ættu að geta haft verulega jákvæð áhrif á þróun efnahagsmála á næstunni - og eru miklum mun áhugaverðari heldur en sumar af þeim yfirlýsingum sem hlutu mesta athygli fjölmiðla í upprunalegri umfjöllun af fundinum."

 

EF GEIR ER MEÐ OSS - HVER ER ÞÁ Á MÓTI OSS?

Óþarfi að gera manni bylt við

Hlynur Hallsson skrifar á boggi sínu:

Sverrir Hermannsson er snillingur

Og þá er ég auðvitað að tala um Sverri Hermannsson smíðameistara og safnara á Akureyri.

 

Ég hélt þú ættir við einhvern allt annan Sverri Hermannsson. Er ekki óþarfi að gera manni svona bylt við?

Það verður ekki á allt kosið

"Strax eldsnemma í morgun fóru að berast til mín fyrirspurnir frá fréttamönnum hingað út til Valparíso við Kyrrahafsströnd Chile vegna fullyrðinga um, að Jóhann R. Benediktsson, lögreglustjóri á Suðurnesjum, hefði sagt starfi sínu lausu vegna skipulagsbreytinga á embætti hans. Við nánari athugun kom í ljós, að Jóhann hafði sagt, að hann ætlaði að ræða starfslok sín við dóms- og kirkjumálaráðuneytið."

 

Dómsmálaráðherra á bloggi sínu föstudag, 28. mars. Og bætir við:

 

"Nú 28. mars fæ ég um það fréttir, að lögreglustjórinn vilji ræða starfslok vegna málsins. Jafnframt les ég blogg um, að samstarf okkar Jóhanns hafi verið annað en gott og látið er að því liggja, að ég hafi verið samblástur gegn honum. Allt er þetta úr lausu lofti gripið, enda alrangt."

 

"A dictatorship would be a heck of a lot easier, there's no question about it."
George W. Bush

Lausn á efnahagsvandanum

Nú þegar við erum komin með 42 fullþjálfaða og vel vopnaða atvinnuhermenn er orðið fullkomlega raunhæft að ráðast inn í Færeyjar og gera þær að íslenskri nýlendu. Hugsanlega er þó betra að bíða meðan þeir 6 sem eiga að bætast við hafa lokið þjálfun sinni, áður en við látum til skarar skríða.

 

Tvö til þrjúhundruð sjálfboðaliðar/hvítliðar undir forystu sérsveitarmanna gætu hæglega náð á sitt vald öllum hernaðarlega mikilvægum stöðum í Færeyjum, og blóðsúthellingar þyrftu ekki að vera meiri en á venjulegu föstudagskvöldi í Reykjavík.

 

Ólafsvakan væri tilvalinn tími til að hernema landið, því að þá eru Færeyingar að dansa hringdans og ekki jafn varir um sig og venjulega.

 

Ef við eignuðumst þessa nýlendu og héldum henni þó ekki væri nema í aldarfjórðung eða svo myndi íslenska krónan hækka og öðlast sinn fyrri virðingarsess meðal gjaldmiðla heimsins - og þar að auki þyrftum við ekki að ganga í Evrópusambandið.

 

Einnig myndi losna mikið um virðingarstöður í nýlendunni og við gætum fundið þar vellaunaða vinnu fyrir heilan herskara af dómurum og héraðshöfðingjum sem hefðu kannski gaman af því að breyta til úr því að það er farið að harðna á dalnum hérna heima.

 

Ef sá draumur rætist að við komumst í Öryggisráðið erum við á grænni grein því að þar ríkir djúpur skilningur á nauðsyn þess að beita vopnavaldi til að tryggja stöðugleika og frið í heiminum.

 

Þátttaka Íslendinga í styrjöldum í Írak og Afganistan hefur vakið athygli á því að Íslendingar séu líklegir til að láta að sér kveða á alþjóðavettvangi í þágu friðar og stöðugleika.

 

Hernám reyndist vera helsti bjargvættur íslensks efnahagslífs, og úr því að enginn hefur döngun í sér til að hernema okkur lengur eigum við að hrista af okkur slyðruorðið og hjóla í Færeyingana. Hernámið mundi verða mikil blessun fyrir efnahag beggja þjóðanna.

 

Eða eins og George W. Bush forseti Bandaríkjanna komst svo snilldarlega að orði um samskipti nágranna:

"We must all hear the universal call to like your neighbor like you like to be liked yourself."

Hvar ertu núna, Marcus Tullius, þegar við þörfnumst þín?

Marcus Tullius Cicero konsúll eða ræðismaður – sem kunni vel að koma fyrir sig orði - flutti frægar ræður árið 63 f. Kr. og afhjúpaði Lucius Sergius Catilina fyrir að sitja á svikráðum við rómverskt stjórnarfar.

 

Enn þann dag í dag kunna margir upphafsorð fyrstu ræðunnar "Oratio in Catilinam Prima in Senatu Habita" en þau voru:

Quo usque tandem abutere, Catilina, patientia nostra? Quam diu etiam furor iste tuus nos eludet? quem ad finem sese effrenata iactabit audacia?

Lauslega þýtt á nútíma íslensku gæti þetta hljómað eitthvað á þessa leið.

Þangað til hvenær, Árni, ætlar þú að misnota þolinmæði vora? Hversu lengi ætlarðu að lítilsvirða okkur með þessu rugli? Hvenær er nóg komið af þessu hamslausa oflæti þínu?

Fjölgar í friðarsveit dómsmálaráðherrans

Um 600 svokallaðir "sérsveitarmenn" eru nú í Noregi; samkv. upplýsingum sem vísað er á í Wikipediu á Netinu. Þessar löggur ganga venjulegar lögregluvaktir helming vinnutímans og sérsveitarvaktir helminginn,

Einn sérsveitarmaður er fyrir hverja 7500 Norðmenn.

Á Íslandi er nú fyrirhugað að bæta 6 manns í íslensku sérsveitina, þannig að við fáum einn sérsveitarmann fyrir hverja 6250 Íslendinga þegar talan hefur verið fyllt upp í 48 stykki.

Íslensku sérsveitarmennirnir eru í fullu starfi sem sérsveitarmenn, þannig að við Íslendingar erum eiginlega með helmingi stærri úrvalsherdeild en Norðmenn.

 

Nokkuð vel af sér vikið í landi sem var herlaust þar til Bíbí Generalissimó tók til sinna ráða. Nú vonar maður að friður haldist í landinu.