Robert Z. Aliber prófessor emeritus í viðskiptafræði frá Chicago-háskóla gagnrýndi forystumenn bankanna harðlega og sagði "að þeir stjórnuðust annað hvort af græðgi, fáfræði eða hvoru tveggja."
Prófessorinn veit greinilega ekki hversu eftirsóttir þessir fjármálasnillingar eru eins og tekjur þeirra eru til marks um og eina skynsamlega leiðin til að bregðast við þessum ummælum er að sjálfsögðu að kæra manninn fyrir meiðyrði og kenna honum að tala varlega um máttarstólpa þjóðfélagsins.
Það sem gildir við svona aðstæður er auðvitað að halda áfram að trúa á þá sem hafa brugðist, halda áfram að reyna að komast í öryggisráðið, fjölga sendiráðum, ferðast aldrei nema í einkaþotum og trúa að enginn sjái að maður er búinn að pissa í buxurnar.
2 ummæli:
Sko, altso Þráinn. Ég þori ekki að ávarpa þig sem ,,vin" eða neitt svoleiðis kumpánlegt ávarp, við þekkjumst ekki einusinni í sjón.
Þessi emerítus er með slaufu, eins og ég og það eykur verulega trúverðuleika hans í mínum augum. Mér sýnist að hún sé bundin af honum sjálfum. Það eykur enn yfirbragð vitsmuna, Bjarni frændi(á Landakoti) ver líka með þverslaufu jafnvel á Stofugangi.
Þó svo að okkar bankastjórar séu verulega flottir og eftirsóttir mjög, -----að eigin sögn,----og að bankarnir sem þeir stjórna þurfi að greiða stórfé til að fá þá til að hefja störf og svo hætta þeim, allt eftir aðstæðum, hef ég ekk iséð marga útlenda eigendur banka standa í biðröðum eftir þeirra starfskröftum.
Varfærnir men á borð við Ragnar Önundarson og VAl Valsson, sem voru í baknastjórastólum, hér í eina tíð, eru ekkert flottir og eru bara með púkó varnaðarorð. Þeir hafa öruggelga fengið þennan emerítus til að koma hingað og ,,dissa" tala niðr til, okkar helstu máttarstólpa (gud bevar os)
Okkur ber, að slá varðborg um okkar flottustu og hafa svona leiðinlega útlendinga að engu.
VIÐ vitum, að rebba þóttti berin súr, sama er um útlenda spekinga, sem öfunda okkur af snillingunum.
Bjarni Kjartansson
ö.n. Miðbæjaríhaldið
Kæra Miðbæjaríhald (ö.n. B.K.). Reynslan hefur kennt mér að það er varlegt að treysta heiminum. Þverslaufa þessa myrkmála prófessors gæti
a) verið hnýtt af konu hans eða aðstoðarmanni.
b) verið fest með gúmmíteygju.
Sem segir auðvitað að það er ekkert að marka þennan mann á við okkar hjartahreinu jakkafata- og bindismenn.
Ergó: Við eigum að sproksetja (dissa) svona menn og muna að grundvallarreglan þegar maður hefur gert í buxurnar er að segjast vera viss um að lyktin hafi verið fyrir í herberginu.
Vertu ævinlega kært kvaddur.
Skrifa ummæli