Varðstaða Seðlabankans

Seðlabankinn virðist hafa fengið skyndilega áhuga á að halda upp vörnum fyrir íslenskt efnahagslíf og sendir stjórnvöldum varnaðarorð vegna fyrirætlana um að hækka persónuafslátt og lækka tekjuskatt fyrirtækja við núverandi efnahagsaðstæður. Samkvæmt fréttum RÚV OHF.

 

Þótt það sé að sínu leyti lofsvert að Seðlabankinn telji sig aflögufæran með góð ráð og ábendingar varðandi efnahagslífið hlýtur frammistaða bankans að undanförnu að vera ríkisstjórninni hvatning til að gera þveröfugt við það sem Seðlabankinn ráðleggur.

 

Varnartilraunir Seðlabankans hafa reynst fremur haldlitlar til þessa, en það er samt notalegt til þess að vita að Seðlabankinn skuli vera vel á verði.