þriðjudagur, 27. maí 2008

Vanhæft epli!


Varðandi hleranamálið og eplið sem fellur ekki langt frá eikinni hlýtur sú spurning að vakna hvort eplið sé ekki vanhæft til að fjalla um hleranamálið vegna náins skyldleika við eikina?


Til að forðast gáfulegar ábendingar um að epli vaxi ekki á eikum skal það tekið fram að í orðatiltækinu "eplið fellur sjaldan langt frá eikinni" merkir "eik" að sjálfsögðu "eplatré".

Svona er nú íslensk tunga óvísindaleg stundum. Skyldi siðferðisvitundin samt vera í lagi?


20 ummæli:

Nafnlaus sagði...

Ekki ofmælt hjá Páli Bergþórssyni, að Björn dómsmálaráðherra skorti bæði hugrekki og heiðarleika til þess að viðurkenna mistök ríkisvaldsins eða biðjast afsökunar:

http://dagskra.ruv.is/streaming/?file=4397939/1

Rómverji

Nafnlaus sagði...

Sæll
Eikur eiga það reyndar til að bera epli, en ekki þessi sem við tölum um í okkar fáfræði og einföldu veröld.
Sníkjuvespur eiga það til að verpa í vef eikartrjáa og við það myndar tréð nokkurskonar æxlisvöxt í kringum eggið/lirfuna. Þessi hnúður kallast "oak apple" - og fellur sjaldnast langt frá eikinni.

Sjá til dæmis hér:
http://www.jmu.edu/biology/k12/galls/oakapp.htm

Nafnlaus sagði...

Ég legg til að þú gefir þessu bloggi nafn: "Bloggið um Björn".

Nafnlaus sagði...

Nei Hans, láttu ekki svona. Það ætti að vera eitthvað ljóðrænna.

"Fordæmd ást: Þráhyggja Þráins"

Hver mundi ekki lesa það blog.

Nafnlaus sagði...

Þessi bloggsíða er náttúrulega skýrasta dæmið um tæknivætt einelti. Þráinn vill ekki rafrænt vopn en rafrænt einelti er greinilega hið besta mál. Ég dáist aftur á móti að langlundargeði Björns Bjarna í gegnum tíðina.

Nafnlaus sagði...

Já það er hrikalegt hvernig lítilmagninn Björn Bjarnason, sem hvergi getur hönd fyrir höfuð borið, er lagður í eineltinu af valdaskrímslinu Þráni. Langlundargeð hans er mikið.

Nafnlaus sagði...

Fróðlegt að sjá hér hvert stórmennið á fætur öðru ráðast að persónu Þráins í staðinn fyrir að velta því fyrir sér sem hann er að segja.

Það er augljóst að BB er vanhæfur ef til kæmi.

Nafnlaus sagði...

Ekki veit ég neitt um hvað þeir eru gamlir þessir úr stuttbuxnadeildinni sem hér eru að ráðast á Þráinn.

En hvers vegna Björn Bjarnason bregst svona við finnst manni skrítið !

Er Björn hræddur við eitthvað ??

Hvað segja skjölin sem Björn er með frá Pabbanum , sem notaðist við þessar hleranir ?

Er þar eitthvað meira ?

Kveðja

JR

Nafnlaus sagði...

Ég held að menn séu bara að benda á að það er nánast ekki skrifað um annað á þessari síðu en Björn Bjarnason. Þannið að það mætti segja að þessi síða sé til höfuðs Birni. Og það má flokka sem einelti.

Nafnlaus sagði...

Já, AUMINGJA Björn, ha, sætir einelti. Og það bara vegna þess að hann getur ekki beðist afsökunar á glæpsamlegu og ólýðræðislegu atferli föður síns. Það hlýtur að vera sárt að vita til þess að pabbi manns hafi borið jafn mikla fyrirlitningu fyrir lýðræðinu og raun ber vitni.
Sérstaklega í ljósi þess að við vitum öll að Björn er eindreginn varðmaður frelsis og lýðræðis. Mér finnst því að við ættum að láta manngreyið í friði.

Kannski getum við efnt til samskota handa honum?

Skorrdal sagði...

Ég held, minn kæri Þráinn, að þú sért núna að kynnast því einelti sem menn á vegum Björns stunda á þeim er gagnrýna hans vinnubrögð. Velkominn í hópinn, Þráinn!

Nafnlaus sagði...

Var skilningstréð ekki eplatré? BB hefur ekki étið þann ávöxt. Ég vek athygli á því að þessir úrskurðir ná eingöngu til 1979. Ekki er ólíklegt að sími þinn hafi verið hleraður á 9. áratug s.l. aldar. Við sr. Baldur erum þeirrar skoðunar að okkar símar voru það á þeim tímum.

Þráinn sagði...

Einelti er fólgið í því að skemmta sér við að ráðast á minnimáttar af engri annarri ástæðu en eigin skepnuskap og óhamingju. Með fullri virðingu fyrir þeim sem vorkenna Bíbí og telja að ég hafi lagt hann í einelti þá flokkast það ekki undir einelti að reyna að tosa fólk yfir á mjóa veginn.
Bloggið mitt fjallar um fjölmarga hluti, allt frá fjölskyldu minni yfir í kosmólógíu og Bíbí er ekki nema sandkorn á þeirri sjávarströnd sem ég lýsi.
Það sem er merkilegt við bloggið um hann er tvennt:
Annars vegar að yfirleitt er maðurinn að gera eitthvað sem mér og mörgum öðrum finnst ýmist gamaldags, lymskulegt, vitlaust eða siðlaust.
Hins vegar koma alltaf nafnlausar býflugur til að suða í kór á blogginu mínu að ég sé þráhyggjusjúklingur og sadisti sem lifi fyrir það eitt að skíta út mikilmenni eins og Bíbí.
Normal lesendum þakka ég góðar athugasemdir.

Nafnlaus sagði...

Nú er svo, minn kæri pennafélagi, að í mínu tilfelli er umhvorutveggja að ræað, bæði á við mig, að ég sé nafnlaus, kverulant, sem læt þína yfirgripsmiklu bloggsíðu, sjaldan í friði með heimskulegum besservissera skeytum um Eikur og Epli og annað viðlíka skynsamlegt blaður OG að ég nefni mig nafni, hverju þú hefur svosem ekki nokkra vissu um, að sé í raun þessi veltsmertsaði búsorgsmaður.

Í hvorugu tilfellinu get ég talist ,,normal", vil tæpast flokkast sem slíkur, það er svo dómadags mikið af ,,normal" leiðindapúkum.

Vil vera intresant ,,tilfelli" annaðhvort til leiðinda eða ekki en aldrei, aldrei bara ,,normal".

Með þrefaldri kveðju um grósku og góða haust-uppskeru við Hróárslæk, við hvern ég á bretatrailer, og auðvitað ekkert normal trailer, heldur með Hitaveitu maður minn.

Svo heldur þú að bara vegna þess að ég sé nafnlausi Bjarni, þa´sé ég ,,normal"

Þráinn sagði...

Normal lesendum og nafnlausa Bjarna þakka ég góðar athugasemdir.

Nafnlaus sagði...

Það besta við þessa umræðu er hvað hún er íslensk - ekki eitt einasta orð um kjarna málsins. Það er bara talað um einhvern BíBí og hvort hann eigi að biðjast afsökunar á einhverju sem löngu látið fólk stóð fyrir.
Hverskonar rökleysa er þetta?
Og hvers vegna reynir enginn að tengja þessar hleranir við það andrúmsloft kommúnistabyltingar sem ríkti þegar þær voru framkvæmdar? Hvers vegna miða allir við aðstæður eins og þær eru í þjóðfélaginu hálfri öld síðar.

Halldór

Nafnlaus sagði...

Af hverju á að biðjast afsökunar á þessu? Maður getur kannski verið sammála um að Björn sé vanhæfur til að vera á þeirri skoðun en það mál líka ræða það frekar - af hverju að biðjast afsökunar á löglegum hlerunum? Ef fíkniefni verða lögleidd í framtíðinni þá biður samt enginn Annþór afsökunar er það? Eru menn að segja að hér hafi ekki verið neitt ótti við að þjóðfélagsskipulaginu yrði velt á grundvelli kommúnisma? (sambærilegar hleranir voru gerðar á flestum norðurlöndum, var ekki eitthvað svona "hneyksli" í DK fyrir nokkrum árum sem leyniþjónusta þeirra kom að?)

Þráinn sagði...

Til að hlera síma þarf að liggja fyrir nægilegur rökstuðningur fyrir því að hlerunin sé gerð til að koma í veg fyrir eða stöðva ólöglegt athæfi, rökstuðningur sem dugir til að fá dómsúrskurð og heimild fyrir hlerun.
Ef dómsúrskurðir eru afgreiddir á færibandi og rökstuðningur er í skötulíki þá er um misbeitingu valds að ræða eins og tíðkast í einræðisríkjum.
Ísland er samkvæmt stjórnarskrá lýðræðisríki og ef einstaklingar á vegum þess verða uppvísir að misbeitingu valds og ólýðræðislegum vinnubrögðum ber ríkinu að sjálfsögðu að biðjast afsökunar á gerðum þessara siðleysingja.
Þetta er tiltölulega auðskilið fyrir alla sem ekki eru siðlausir sjálfir.

photo sagði...

Ólyginn sagði mér að tölvukerfið í dómsmálaráðuneytinu hjá BB hefði verið að hrynja með miklum látum og ekki víst að það komist í gang á næstunni. Við skulum vona að BB hafi ekki verið að eyða einhverjum óþægilegum gögnum :)

Þráinn sagði...

Kæri kps. Ég hélt að óþægilegum gögnum á Íslandi væri eytt með því að fara með þau upp í sumarbústað, setja þau í öskutunnu og kveikja í þeim - en það hafa sennilega orðið framfarir á þessu sviði eins og öðrum.