Hver vill kaupa Laugaveginn?
Þegar um það var rætt á sínum tíma að selja Fríkirkjuveg 11 var aldrei á það minnst að Hallargarðurinn ætti að fylgja með í kaupunum eins og gengið var frá í borgarstjórn í dag - fyrir atbeina Ólafs F. borgarstjóra. Það fylgir sögunni að almenningi verði tryggður aðgangur að garðinum þegar eigandinn er ekki að nota hann fyrir viðhafnarmóttökur eða annað sem fylgir starfi milljarðamæringa.
Skítt veri með að selja húsið en það væri kurteisi við borgarbúa að leyfa þeim að tjá sig ef til stendur að einkavæða fleiri almenningsgarða í borginni svo sem Arnarhól, Austurvöll, Hljómskálagarðinn. Einnig gæti verið inni í myndinni að einkavæða Tjörnina eða jafnvel einhverjar af hinum fjölmörgu götum borgarinnar.
Almenningur í borginni heldur sig hvort sem er mest innan dyra, ýmist á heimilum sínum eða vinnustöðum, svo að óþarfi er að hafa frjálsan aðgang að rándýru gatnakerfi nema sosum tvisvar á sólarhring, hvað þá almenningsgörðum sem lítil þörf er fyrir nema á 17. júní.
2 ummæli:
Vil ekki sjá Hljómskálagarðinn eftir að Víkingasveitin var send á hann son minn.
Hann hafði það sér til óhelgis gert, að fara með börn úr afmæli frændsystkyna barna hans (var þetta ekki flott og flókið?) yfir götuna í Hljómskálagarðinn til eþss, að geta hjálpað börnunum að leika sér að flugdrekum, sem þau fengu á einhverri bensínstöðinni í aulýsingarskyni.
Flugstoðir (Flugturninn) hafi kært þau fyrir að valda verulegri hættu í almannaflugi og raska rósemi samborgara sinna.
Löggubíll (ofsa flottur Benz kálfur milleterí grænn og allt) kom brunandi inn í garðinn og útúr honum þustu kamóflas-klæddir menn.
Þeir seneru sér vasklega að syni mínum og kröfðust þess, að hann léti tafarlaust af þessari yðju sinni, að öðrum kosti yrði hann settur í varðhald og fluttur í burtu úr garðinum.
Sonur minn sneri sér að blessuðum ungmennunum og spurði afar rólega (skil ekki hvaðan hann fær þessa rósemi hugans, -ekki er það frá mér.- spurði þennann ákafa vörð laga og réttar meðborgaranna, hvort hann gerði sér grein fyrir hvað hann væri að segja við sig.
Sá kamóflasklæddi róaðist og sagði hálf skömmustulega, að hann væri nú bara að fara að boði sinna yfirmanna og að kæra hefði borist og að um alvarlega umkvörtun hafi verið að ræða þar sem almannaöryggi væri ógnað og hann YRÐI AÐ BREGÐAST VIÐ.
Sumsé, --ég vil ekkert með Hljómskálagarðinn dú og mega Björgúlfar eða bara aðrir úlfar eiga hann með öllu sínu Gæsadriti og ,,graffuðum steinum".
Gæti hugsanlega gert tilboð í Klambratúnið, heyjað þar og selt tugguna hestamönnum. Eða bara leyfa börnum að leika sér að flugdrekum án afskipta Sérsveitar.
Miðbæjaríhaldið
fúll á móti Þlágflugi og bensínstöðvum við aðalaparka Höfuðborgarinnar.
Víkingasveitin hefur séð einkavæðinguna fyrir og verið að æfa sig í auðkýfingavernd. Maður má vitanlega ekki vera með flugdreka inni á einkalóðum.
Skrifa ummæli