Fjandinn hugleiðir atvinnutilboð

Óttalegt vesen og óregla hefur verið á Fjandanum síðan kirkjan ákvað fyrir skemmstu að leggja niður rekstur Helvítis í núverandi mynd og sameina öðrum rekstrareiningum fyrirtækisins vegna aðsteðjandi alheimskreppu.

Þótt talið sé að Skrattinn hafi náð að gera viðunandi biðlaunasamning og eftirlaunakjör hans byggist á eftirlaunalögum íslenskra alþingismanna mun hann ekki vera mótfallinn því að hlusta á starfstilboð.

Aðilar sem nærri honum standa segja að Sá Gamli hafi fengið áhugaverð tilboð um að gerast aðstoðarþingmaður og upplýsingafulltrúi.